Ордабасы ауданында халықтың құқықтық сауаттылығын арттыру, діни экстремизм мен радикализмнің алдын алу, сондай-ақ қоғамдағы тұрақтылықты нығайту мақсатында ауқымды ақпараттық-түсіндіру шаралары өтті. Осындай маңызды кездесулердің бірі Ордабасы көпбейінді ауруханасының ұжымымен және медицина қызметкерлерімен ұйымдастырылды.

???? Жиынға мемлекеттік орган басшылары мен сала мамандарынан құралған арнайы топ қатысты:

???? Рүстем Сабыржанұлы – Түркістан облысы Дін істері басқармасының басшысы;
???? Медет Халықов – Түркістан облысы дін істері басқармасының «Дін мәселелерін зерттеу орталығы» КММ директоры;
???? Қайрат Салықбаев – аталған орталықтың бөлім басшысы;
???? Олжас Болатханұлы – Ордабасы ауданы әкімінің орынбасары;
???? Төлеметов Шыңғыс Қыдыралыұлы – Ордабасы аудандық прокуратурасының аға прокуроры;
???? Әділ Пернебекұлы – Ордабасы аудандық ішкі саясат бөлімінің басшысы.

???? Медицина саласы мамандарымен кездесудің маңызы

???? Аурухана қызметкерлерімен жүргізілген түсіндіру жұмыстары барысында қоғамдық қауіпсіздік, заң үстемдігі және жат ағымдардың желідегі арбау әдістерінен сақтану жолдары кеңінен сөз болды. Мамандар күнделікті халықпен тығыз байланыста жұмыс істейтін дәрігерлер мен медициналық құрамның ақпараттық сауаттылығы мен қырағылығы ел қауіпсіздігін қамтамасыз етуде үлкен рөл атқаратынын атап өтті.

???? Сонымен қатар, кездесуде еліміздің дін саласындағы мемлекеттік саясаты, дәстүрлі құндылықтарды дәріптеу және заң талаптарын қатаң сақтау мәселелеріне ерекше екпін берілді.

???? «Қоғамның бірлігі мен тұрақтылығы – біздің ең басты байлығымыз. Әрбір еңбек ұжымында, әсіресе халыққа қызмет ететін медицина саласында мұндай түсіндіру жұмыстарын жүргізу — деструктивті идеологияларға қарсы берік иммунитет қалыптастырудың негізі», — деп атап өтті жиынға қатысушылар.

???? Шара соңында аурухана қызметкерлері тарапынан қойылған сұрақтарға тұшымды жауаптар беріліп, құқықтық және діни бағыттағы арнайы жадынамалар таратылды. Мұндай ақпараттық-түсіндіру шаралары аудандағы өзге де мекемелер мен елді мекендерде жалғасын таппақ.