Бүгін Қазығұрт аудандық орталық ауруханасында медицина қызметкерлерінің қатысуымен өзекті тақырыптарды қамтыған үлкен түсіндіру жұмыстары жүргізілді.

Қазіргі ақпараттық технологиялар мен әлеуметтік желілер дамыған заманда әрбір азаматтың діни және цифрлық сауаттылығы өте маңызды. Кездесу барысында дәл осы мәселелер кеңінен талқыланды.

Шараның басты спикерлері:

Рүстем Сабыржанұлы – Түркістан облысы дін істері басқармасының басшысы;

Медет Халықов – «Дін мәселелерін зерттеу орталығы» КММ директоры;

Жорабек Жалғас – Орталықтың бөлім басшысы;

Мақсат Маратұлы – Қазығұрт ауданы әкімінің орынбасары.

Кездесуде қандай маңызды тақырыптар сөз болды?

Діни сауаттылық: Дәстүрлі дініміз бен жат діни ағымдарды қалай ажырату керек? Теріс идеологиялардың жетегінде кетпеудің жолдары айтылды.
Ақпараттық гигиена және қауіпсіздік: Әлеуметтік желілердегі кез келген ақпаратқа сене бермей, оларды саралау (фильтрлеу) маңыздылығы түсіндірілді.
Жасанды интеллект (AI): Қазіргі таңда жасанды интеллектімен қалай дұрыс жұмыс істеу керек және оның пайдасы мен зияны қандай?
Интернеттен сақтану: Желідегі киберқауіпсіздік ережелері мен жеке мәліметтерді қорғау мәселесі сөз болды.
Заң талаптары: Әлеуметтік желілерде заңсыз, тексерілмеген діни материалдарды таратуға мүлдем болмайтыны және оның заңдық жауапкершілігі қатаң ескертілді.

Денсаулық сақшылары тек тән саулығына ғана емес, қоғамның рухани және ақпараттық қауіпсіздігіне де үлкен жауапкершілікпен қарайды. Кездесу соңында қатысушылар көкейкесті сұрақтарына тұшымды жауаптар алды.

Ақпараттық сауаттылық — заман талабы! Өзімізді және жақындарымызды жалған ақпараттан қорғайық!