Деструктивті идеологияның таралуына жол бермеу үшін мемлекет пен азаматтық қоғам бірлесіп, ауқымды ағартушылық науқандарын жүйелі түрде жүргізуі қажет. Әсіресе, өскелең ұрпақтың бойында ұлттық сананы, адамгершілік қағидаттарды және отансүйегіштік сезімді терең қалыптастыру кезек күттірмес мәселе болып табылады. Жас буынның бос уақытын тиімді ұйымдастырып, оларды түрлі үйірмелер мен спорт секцияларына тарту арқылы теріс ағымдардың ықпалынан қорғауға толық мүмкіндік бар. Сонымен қатар, ата-аналар мен педагогтар балалардың интернеттегі әрекеттерін жіті бақылап, олардың қандай контент тұтынатынына үнемі назар аударуы маңызды. Құқық қорғау органдары мен арнайы құрылымдар виртуалды кеңістіктегі экстремистік сипаттағы материалдарды анықтап, олардың таралуына қарсы жедел шаралар қабылдауды үзбеуі тиіс. Қоғамдағы әрбір тұлғаның өз орнын тауып, әлеуметтік тұрғыдан қорғалғанын сезінуі радикалды ұйымдардың арбауына түсу қаупін біршама төмендетеді. Рухани бірлік пен өзара келісімді көздің қарашығындай сақтау – тәуелсіздігімізді баянды етудің және еліміздің тұтастығын қорғаудың басты кепілі..

Бұл жағымсыз үдерістердің алдын алу үшін білім беру ұйымдарында және бұқаралық ақпарат құралдарында түсіндіру жұмыстарын ұдайы күшейту аса маңызды. Жас буынның бойында сыни ойлау мен ақпаратты саралай білу мәдениетін қалыптастыру – теріс ағымдардың идеологиясына қарсы тұратын ең мықты иммунитет. Мемлекет тарапынан жастардың жұмыспен қамтылуына, баспаналы болуына және өз қабілеттерін шығармашылық пен спорт саласында көрсетуіне жан-жақты жағдай жасалуы қажет. Отбасы институтын нығайтып, ата-аналар мен балалар арасындағы сенімді қарым-қатынасты арттыру да жасөспірімдерді жат әсерлерден қорғауда айтарлықтай рөл атқарады. Діни және құқықтық сауаттылықты арттыруға бағытталған ағартушылық шаралар халықтың барлық қабатын қамтып, жүйелі түрде жүргізілуі тиіс. Қоғамдағы әрбір азаматтың өзін қажетті тұлға ретінде сезінуі және әлеуметтік қолдаудың қолжетімді болуы радикалды ұйымдардың әрекет ету аясын түбегейлі тарылтады. Осындай кешенді жұмыстарды үйлесімді атқару арқылы ғана біз жастарымызды деструктивті күштердің арбауынан сақтап, елдің тұтастығы мен қауіпсіздігін толық қамтамасыз ете аламыз.

Сондай-ақ бұл бағыттағы жұмыстардың тиімділігін арттыру мақсатында волонтерлік қозғалыстарды, жастар ұйымдарын және қоғамдық кеңестерді кеңінен тартып, олардың әлеуметтік бастамаларын жан-жақты қолдаған жөн. Ақпараттық-насихаттық топтардың қызметін әсіресе шалғай өңірлерде, колледжелер мен жатақханаларда үнемі жандандырып отыру теріс идеологиялардың тамырына балта шабуға септігін тигізеді. Әрбір азаматтың бойында елдің ертеңі үшін деген жауапкершілік сезімін оятып, патриоттық рухты биік ұстау – мемлекеттік қауіпсіздіктің мықты іргетасы болып қала бермек.

Бейбіт өмір мен тұрақтылықты көздің қарашығындай сақтау – әрбір саналы азаматтың қасиетті борышы әрі келешек ұрпақ алдындағы жауапкершілігі. Ортақ шаңырағымыздың тыныштығы мен тұтастығын бұзуға бағытталған кез келген сыртқы және ішкі қатерлерге қарсы тек қана жұдырықтай жұмылып, тұтас қоғам болып төтеп бере аламыз. Әрбір шаңырақтағы ынтымақ, қоғамдағы өзара түсіністік пен келісім – еліміздің ең үлкен байлығы және қуатты қорғаны. Сондықтан жаһандық сынақтарға қарсы тұру жолында белсенді азаматтық ұстаным танытып, ұлттық мүдде мен қауіпсіздікті қорғауға әрқайсымыз өз үлесімізді қосуымыз тиіс.

 Д.Арынбек

Түркістан  облысының дін істері басқармасының

«Дін мәселелерін зерттеу орталығы» КММ-нің

маманы