Сарыағаш ауданы бойынша Шекара басқармасының клубында жеке құрам мен мекеме қызметкерлеріне арналған ақпараттық-түсіндіру жұмыстары жүргізілді.  Ел шебін күзеткен азаматтардың қатысуымен өткен жиында қоғамдағы ең өзекті тақырыптар талқыланды.

Жиынға арнайы қатысқан қонақтар мен спикерлер:
Рүстем Сабыржанұлы – Түркістан облысы дін істері басқармасының басшысы;
 Медет Халықов – «Дін мәселелерін зерттеу орталығы» КММ-нің директоры;
 Ғалымжан Өгембай – Орталықтың білікті маманы;
 Омархан Сүйінбекұлы – Сарыағаш ауданы әкімі аппаратының басшысы.

Кездесу барысында қандай маңызды мәселелер қозғалды?
«Заң мен тәртіп» қағидатының мемлекетіміз бен күнделікті өміріміздегі маңыздылығы;
Ақпараттық гигиена: Интернет кеңістігіндегі түрлі қауіп-қатерлер мен жалған ақпараттардан қорғану жолдары;
Діни экстремизм мен терроризм идеологияларының алдын алу шаралары.

Сала мамандары қатысушыларға діни ақпараттарды тек қана сенімді әрі ресми дереккөздерден алу қажеттігін баса айтты. Сондай-ақ, ел тыныштығы мен ұлттық қауіпсіздікті қамтамасыз етуде әрбір азаматтың, соның ішінде Отан қорғаушылардың жауапкершілігі өте жоғары екендігі ерекше атап өтілді. 

Шара соңында қатысушылар өздерін мазалаған сұрақтарын қойып, мамандардан тұшымды жауаптар алды. Ел шеті аман, бауырымыз бүтін болсын!