Созақ ауданы көлеміндегі діни тұрақтылықты қамтамасыз ету, дәстүрлі емес теріс діни бағыттағы топтардың алдын алу, халқымыздың дәстүрлі діни құндылықтарын түсіндіру мақсатында Созақ ауданы Таукент кентінде орналасқан Орталықтандырылған автотасымалдау базасы «Сауда көлік компаниясы» ЖШС филиалы мекемесінде Түркістан облысы қоғамдық даму басқармасының «Дін мәселелерін зерттеу орталығы» КММ Созақ ауданы бөлімінің теолог маманы Қ.Қосмаханов және Созақ ауданының бас имамы М.Әбдіқұлов автобаза қызметкерлеріне «Мемлекеттің зайырлылық принциптері» тақырыбында ақпараттық түсіндіру жұмысын жүргізді. Мекеме қызметкерлеріне теріс діни ағымды ұстанушы топтар жайлы ақпараттар беріліп олардан сақтану жолдары түсіндірілді. Жиналыс соңынан қойылған сұрақтарға жауап берілді.