Түркістан жоғары көпсалалы, қол өнер колледжінің ұстаздары мен студенттеріне «Қыз бала – ұлттың ұяты, халықтың шырайы» тақырыбында кездесу өтті.
Кездесуге Түркістан облысы дін істері басқармасының «Дін мәселелерін зерттеу орталығы» КММ-нің теолог маманы А.Сейдуәлі және «Аналар алқасының» төрайымы, ҚР Мәдениет қайраткері Ұ.Мұстафаева қатысты.
Кездесу барысында қыз баласының тәрбиесі, ұлттық салт-дәстүріміздің ислам дінімен сабақтастығы, еліміздің зайырлылық ұстанымы, елімізде тыйым салынған діни ұйымдар және басқа да түрлі жат пиғылды ағымдарға қарсы жастар арасында иммунитет қалыптастыру – маңызды міндет екендігі түсіндірілді.
Жиналыс соңынан жастар тарапынан қойылған сұрақтарға толық жауап берілді.