Шараның басты мақсаты — мемлекеттік және бюджеттік сала қызметкерлерінің құқықтық сауаттылығын арттыру, қоғамдағы діни тұрақтылықты нығайту, деструктивті діни ағымдардың ықпалынан сақтандыру және радикалды идеологияның таралуына жол бермеу.

Кездесудің негізгі тақырыптары:
«Заң мен Тәртіп» қағидаты: Қызметтік міндеттерді атқару барысында заң талаптарын мүлтіксіз сақтау, қоғамдық қауіпсіздікті қамтамасыз ету және азаматтық жауапкершілікті қалыптастыру мәселелері сөз болды.

Діни тұрақтылық және отбасы: Деструктивті діни ағымдардың белгілері мен олардың қоғамға, отбасы институтына және жеке тұлғаның дүниетанымына тигізетін кері әсері егжей-тегжейлі түсіндірілді.

Ақпараттық гигиена: Интернет пен әлеуметтік желілердегі күмәнді ақпараттарды сыни тұрғыдан бағалау, тек ресми әрі сенімді дереккөздерге сүйену маңыздылығы айтылды. Радикалды материалдарды насихаттау мен таратудың құқықтық салдары ескертілді.

Іс-шараға қатысқан спикерлер:
Рүстем Сабыржанұлы – Түркістан облысы дін істері басқармасының басшысы;

Фариза Сарыбайқызы Айдарбекова – Түркістан облысы дін істері басқармасының діни бірлестіктермен байланыстар және мемлекеттік қызметтер көрсету бөлімінің басшысы;

Медет Халықов – Түркістан облысы дін істері басқармасының «Дін мәселелерін зерттеу орталығы» КММ директоры;

Әбділкәрім Болат – Орталықтың маманы;

Әбілдаев Бекарыс Бейсенбайұлы – Жетісай ауданы әкімдігінің ішкі саясат бөлімінің бас маманы.

Қорытынды:
Жиын соңында ауыл және су шаруашылығы саласының қызметкерлері өздерін қызықтырған құқықтық және діни мәселелер бойынша сұрақтар қойып, мамандардан тұшымды жауаптар алды. Қатысушыларға радикалды идеологиялардың ықпалына қарсы берік иммунитет қалыптастырудың маңыздылығы тағы бір мәрте ескертілді.