Семинарға спикер ретінде РАТТ мүшесі, Түркістан облысы дін істері басқармасы «Дін мәселелерін зерттеу орталығы» КММ-ң директорының орынбасары М.Халықов және белгілі дінтанушы, теолог Ұ.Алиакбарұлы шақырылды.

Біліктілік арттыру семинарына аудандағы жалпы білім беретін мектептердің дінтану пәнінің мұғалімдері қатысты.

Дінтану пәнінің оқытылу аясын кеңейту еліміздегі қазіргі діни ахуал және конфессиялық кеңістіктің алуан түрлілігі жағдайында да маңызды. Орта мектептерде дінтану бағытында жүйелі әрі сапалы білімнің берілуі болашақта еліміздің ішкі тұрақтылығына септігін тигізеді.

Семинар барысында М.Халықов тыңдаушыларға дін саласындағы мемлекеттік саясат тұжырымдамасын түсіндіріп, білім беру жүйесіндегі зайырлылықтың негізгі қағидаттарын түсіндіріп, діни экстремизмге қарсы іс-қимылдың негізгі практикалық аспектілерін жеткізді, сондай-ақ жастарды дінге тартудың технологияларын ашып көрсетті.

Семинар қорытындысы бойынша дінтану пәнінің мұғалімдеріне оқу үдерісінде пайдалану және оқу ұйымдарында діни экстремизм мен терроризмнің алдын алуға бағытталған іс-шараларды ұйымдастыру үшін үлестіру материалдары беріліп, біліктілік арттыру семинарына қатысқандығы үшін арнайы сертификаттар табысталды.