Белгілі дінтанушы ғалым, теолог, философия ғылымдарының кандидаты, доцент Кеңшілік Тышқанұлымен «Дін мен дәстүр: жаңа дәуірдегі рухани иммунитет» тақырыбында «Тағылым» подкастының кезекті шығарылымы түсірілді.

Сұхбат барысында дін мен дәстүр сабақтастығы, ұлттық құндылықтардың қоғамдағы орны, жастардың рухани дүниетанымын қалыптастыру және қазіргі ақпараттық кеңістіктегі діни сауаттылықты арттыру мәселелері талқыланды.

Подкаст аясында еліміздегі діни ахуал, қоғамның теріс діни идеологияларға қарсы рухани иммунитетін қалыптастыру, сондай-ақ ұлттық мәдениет пен дәстүрлі құндылықтарды дәріптеудің маңызы жөнінде тұшымды пікірлер айтылды.