Бүгін 2019 – жылдың 17 - қазан күні Түркістан облысы қоғамдық даму басқармасының «Дін мәселелерін зерттеу орталығы» КММ Жетісай аудандық маманы М. Салиходжаевтың қатысуымен Жетісай ауданы, Ж. Ералиев ауылдық округінде орналасқан «С. Сейфуллин атындағы жалпы орта мектебінде» мектеп ұстаздары мен оқушыларына дін салсасындағы тұрақтылықты қамтамасыз ету мақсатында «Дін және дәстүр тағылымы» тақырыбында дін саласы бойынша түсіндірме жұмыстары жүргізілді.

Кездесуге өзек болған мәселелер: бірнеше ұлт өкілдері шоғырланған мектепте ұлтаралық және дінаралық татулық мәселелерін кеңінен түсіндіру, деструктивті діни ағым өкілдерінің дәстүрді теріске шығарудағы түпкі мақсаты жайлы ақпарат беріп, жастар арасында кез келген келеңсіздіктің алдын алу үшін түсіндірме жұмысын жүргізу. Маман М. Салиходжаев әуелгі кезекте ұлтаралық және дінаралық татулық мәселесіне тоқталды. Қоғамдағы қалыптасқан ұлтаралық, конфессияаралык рухани келісімді әлсіретіп, қақтығыстар тудыруды көздейтін деструктивті діни ағымдардың республикада, облысымызда кездесетін айта келе, халықаралық ахуал күрделеніп тұрған кезеңде еліміздің қауіпсіздігін сақтау - ең басты мақсат екенін еске сала өтті. Жеткіншек жастарымыздың ел арасында іріткі салып, қоғамның қауіпсіздігіне қатер төндіретін діни ағымдардың шылауында кетуіне жол бермеуіміз керектігін де тілге тиек етті.