Отырар ауданындағы ауылдық кітапханаларда діни мазмұндағы әдебиеттерге мониторинг жұмыстары жүргізілді.

Аталған шараға Түркістан облысы дін істері басқармасының «Дін мәселелерін зерттеу орталығы» КММ маманы Бауыржан Абдрахман қатысып, кітапхана қорындағы діни әдебиеттерді зерделеу жұмыстарын жүргізді.

Мониторинг барысында діни әдебиеттердің қолданыстағы заңнама талаптарына сәйкестігіне назар аударылып, тыйым салынған және заң талаптарына сәйкес келмейтін материалдардың тұрғындар арасында таралуына жол бермеу қажеттігі түсіндірілді.

Сонымен қатар, кітапхана қызметкерлеріне діни мазмұндағы әдебиеттерге қатысты заңнама талаптарын сақтау және заңға қайшы материалдар анықталған жағдайда тиісті шаралар қабылдау жөнінде түсіндіру жұмыстары жүргізілді.