Қазақстан Респубилкасы Ақпарат және қоғамдық даму министрлігі дін істері комитетінің төрағасы Е.Нүкежанов облыс әкімінің орынбасары Б.Тәжібаевпен кездесті.

Кездесу барысында, Түркістан облысы дін істері басқармасының 2023 жылға арналған жұмыс жоспарымен танысып, өңірдегі діни ахуалға талдау жүргізілді.

Оның ішінде деструктивті діни ағым идеологиясына қарсы иммунитетті қалыптастыру, ұлттық құндылықтарды дәріптеу, интернет кеңістігіндегі қауіпті ақпараттардан сақтандыруда қарсынасихаттық шараларды күшейту мақсатында сөз қозғалып, ой-пікір бөлісті.

Дін істері комитетінің төрағасы Е.Нүкежанов дін саласындағы мемлекеттік саясатты тиімді жүргізу бойынша тиісті бағыт-бағдарлар берді.