Қазіргі таңда діни экстремизм мен радикализм қоғам үшін аса өзекті мәселелердің бірі болып отыр. Осыған орай, халықтың діни сауатын арттыру және теріс діни ағымдардан сақтандыру мақсатында түрлі кездесулер мен түсіндіру жұмыстары үздіксіз жүргізілуде.

Осы бағытта, Сарыағаш ауданы ішкі саясат бөлімі мен Жібек жолы ауылдық округі әкімінің аппаратының үйлестіруімен, Дін істер басқармасына қарасты “Дін мәселелерін зерттеу орталығы” КММ-нің теолог маманы Әбухан Нұрдәулет Жібек жолы ауылдық округінде тұрғындармен, жұмыссыз жастармен, жалдамалы жұмысшылармен, саудагерлермен және такси жүргізушілерімен кездесу өткізді.

Кездесудің басты тақырыптары:
 “Діни экстремизм мен радикализмнен сақтану”
 “Жат ағымнан сақтану жолдары”

Кездесу барысында теолог маман қатысушыларға діни экстремизм мен радикализмнің негізгі белгілерін, олардың қоғамға тигізетін зардаптарын, сондай-ақ жат ағымдардың ерекшеліктерін түсіндірді. Сонымен қатар, дәстүрлі ислам мен деструктивті ағымдардың айырмашылықтары, теріс діни идеологиялардың таралу жолдары мен олардан қорғану тәсілдері туралы нақты мәліметтер берілді.

Негізгі мәселелер:
 Экстремистік идеологиялардың жастарға ықпал ету әдістері
 Жат ағым өкілдерінің арбау тәсілдері
 Дін атын жамылған деструктивті ағымдардан қорғану жолдары
 Ресми діни ақпарат көздерін пайдалану маңыздылығы

Кездесу барысында қатысушылар өздерін толғандырған сұрақтарын қойып, дін саласындағы білікті маманнан нақты жауаптар алды. Жастар тарапынан әсіресе, діни білімді қайдан алуға болады, интернеттегі жалған діни ақпараттарды қалай ажырату керек және экстремизмнің алдын алу жолдары туралы сұрақтар көптеп қойылды.