Сарыағаш ауданының Қызылжар және Ақжар ауылдық округтерінде діни тұрақтылықты нығайту, тұрғындардың діни сауаттылығын арттыру мақсатында мақсатты топтармен жалпы кездесулер өтті.

Атап айтқанда, көлік жүргізушілері, саудагерлер, жұмыссыз жастар мен жалдамалы жұмысшылар секілді түрлі әлеуметтік топ өкілдерімен «Жат ағым жарға жығады» тақырыбында түсіндіру жұмыстары жүргізілді.

Кездесулерге Түркістан облысының Дін істері басқармасы «Дін мәселелерін зерттеу орталығы» КММ-нің теолог мамандары Зиябек Дінмұхаммед пен Өгенбай Ғалымжан қатысып, деструктивті діни ағымдардың қоғамға тигізер зияны, олардың белгілері мен алдын алу жолдары жөнінде жан-жақты ақпарат берді.