Түркістан облысы дін істері басқармасының ұйымдастыруымен «Ынтымақ-Түркістан» клубының аясында «Діни тұрақтылық – ел дамуының тұғыры» тақырыбында дөңгелек үстел өтті.

Іс-шараға облыс әкімінің орынбасары Е.Алтаев, клуб мүшелері мен дін істері басқармасының қызметкерлері қатысты.

Аталған іс-шараның мақсаты түрлі сенім мен дін ұстанушылары арасында конфессияаралық және дінаралық диалог пен келісімді сақтау және нығайту, діни экстремизм мен терроризмге қарсы іс-қимыл жасау, қоғамның бірлігі мен татулығын нығайту болып табылады.

Іс-шарада діни конфессия басшылары мен жетекшілері ел тұтастығын сақтау мен өзара ынтымақтастықтың нығаюы жолында атқарар іс-шаралар мен қоғамда орын алып жатқан діни мәселелерді шешу жолдары талқыланды.