Ағымдағы жылдың 7-8 қыркүйегінде Қазақстан Республикасы Мәдениет және ақпарат министрлігінің ұйымдастырумен «Дін мәселелері бойынша білікті мамандар даярлау» жобасы аясында ақпараттық-түсіндіру топтарының мүшелеріне арналған оқыту семинарлары мен тренингтері өтті.

Аталған шараға облыстық дін істері басқармасы мен оған қарасты «Дін мәселелерін зерттеу орталығы» КММ-нің, «Ақниет» ҚҚ қызметкерлері мен облыстық, қалалық, аудандық дін саласы бойынша жұмыс жүргізетін ақпараттық-түсіндіру топ мүшелері қатысты.

Жиында дін мәселелері бойынша түсіндіру тобының мүшелері – риторика маманы Аманбек Толқын «Риторика. Көпшілік алдында сөйлеу дағдыларын меңгеру» тақырыбында,  Әлеуметтану ғылымдарының кандидаты Жақиянов Талғат Жәрдемқұлұлы «Зайырлылық қоғамдық келісім мен тұрақтылытың негізі ретінде», «Қазақстандағы діни ахуал: негізгі мәселелер мен тендициялар» тақырыбында, дінтанушы, теолог Оспанов Дәлелхан «Ислам әлеміндегі алауыздықтың себептері мен шешу жолдары», «Оңалту жұмыстарын тиімді жүргізу жолдары» тақырыптарында, дінтанушы, Нұр-Мүбарак Египет ислам  мәдениеті университеті, дінтану кафедрасының доценті, PhD Абылов Тұңғыш Талғатұлы «Діндарлық әлеуметтік-психологиялық феномен ретінде», «Қазақстандағы тәңіршілдік: тарихы және қазіргі жағдайы» тақырыптарында дәріс оқыды.

Семинарлар мен тренингтер барысында қатысушылар тарапынан дәріскерлерге сұрақтар қойылып, тұжырымды жауаптар алынды. Қатысушыларға сертификаттар табысталды.