Мемлекеттің дін саласындағы тұрақтылығын сақтау, қоғамдағы конфессияаралық келісімді нығайту, халықтың кез келген нысандар мен көріністегі діни экстремизм мен радикализм идеологиясына иммунитетін қалыптастыру жөніндегі шаралардың іске асырылуын қамтамасыз ету мақсатында Түркістан облысы дін істері басқармасы «Дін мәселелерін зерттеу орталығы» КММ директоры – М.Халықов пен директор орынбасары – А.Тағай ақпараттық-түсіндіру жұмыстарын жүргізді. Шараға: облыстық Дене шынықтыру және спорт басқармасы; Табиғи ресурстар мен табиғат пайдалануды реттеу басқармасы; Ауылшаруашылық басқармасы; Ветеринария басқармасы; Құрылыс басқармасы; Сәулет және қала құрылысы басқармалары қатысты.
Шара барысында еліміздегі қоғамдық дамудың өзгешілігі және діни саланың ерекшелігіне тоқталып, діни ахуалдың тұрақтылығы туралы баяндалды.
Кездесу соңында сұрақтар қойылып, дінтанушы мамандар тарапынан толыққанды жауап берілді.