Қазіргі жаһандану заманында ұлттық қауіпсіздік пен қоғамдық тұрақтылықты қамтамасыз ету – әр мемлекеттің стратегиялық басымдығы. Бұл тұрғыда дін саласындағы қауіпсіздіктің рөлі ерекше. Себебі дін – рухани тәрбие мен адамгершілік негізі болса да, оны теріс бағытта пайдаланған жағдайда қоғамда іріткі салып, алауыздық пен тұрақсыздыққа алып келуі әбден мүмкін.

Қазақстан – зайырлы мемлекет болғанымен, халықтың басым бөлігі ислам дінін ұстанады. Сондықтан дін саласындағы ахуал – ұлттық қауіпсіздікке тікелей ықпал ететін маңызды факторлардың бірі. Осыған байланысты елімізде діни экстремизм мен радикализмнің алдын алу, деструктивті ағымдарға қарсы күрес бағытында ауқымды жұмыстар атқарылып келеді.

Соңғы жылдары діни экстремизм мен радикализмнің түрлі формалары әлемдік қауіпсіздікке айтарлықтай қатер төндіріп отыр. Бұл тенденциялар Қазақстанды да айналып өтпеді. Сондықтан елімізде деструктивті діни ағымдардың ықпалын шектеу, олардың таралуының алдын алу және радикалды идеологияның тамыр жаюына жол бермеу бағытында жүйелі әрі кешенді шаралар қолға алынуда

Бұл салада құқық қорғау органдары – Ұлттық қауіпсіздік комитеті, Ішкі істер министрлігі, Бас прокуратура, сонымен қатар жергілікті полиция мен арнайы бөлімшелер – өзара ықпалдастықта жұмыс істейді. Олар дін атын жамылған теріс пиғылды ұйымдардың қызметін анықтау, алдын алу және жолын кесу бағытында заң аясында нақты әрекеттер жасауда. Сонымен бірге, діни экстремизмге қарсы іс-қимыл жөніндегі мемлекеттік бағдарламалар қабылданып, қоғамдық бірлестіктер мен діни сарапшылардың қатысуымен түсіндіру жұмыстары жүргізіліп жатыр.

Сонымен қатар, мемлекет діни экстремизмге қарсы іс-қимыл жөнінде кешенді бағдарламалар қабылдап, оны іске асыруға түрлі мемлекеттік емес ұйымдар мен діни сарапшыларды тартуда. Бұл түсіндіру жұмыстары жастармен, студенттермен, сонымен қатар әлеуметтік осал топтармен тікелей байланыс орнатуға бағытталған. Мақсаты – халықтың діни сауатын арттыру және радикалды ағымдардың жетегіне еріп кетуден сақтау.

Осы шаралар мемлекет пен қоғамның деструктивті діни идеологияға қарсы біріге күресуінің көрінісі. Бұл жұмыс тек күштік құрылымдардың емес, жалпы қоғамның қатысуымен ғана нәтижелі болады.

Құқық қорғау органдарының бұл саладағы басты мақсаты – азаматтардың конституциялық құқықтарын қорғау, елдің тұтастығын сақтау және қоғамда бейбітшілік пен келісімді қамтамасыз ету. Сондықтан дін саласындағы ұлттық қауіпсіздік – тек бір құрылымның ғана емес, тұтас қоғамның ортақ ісі.

Осы орайда әрбір азамат, әсіресе ата-аналар, ұстаздар мен имамдар діни сауаттылықты арттырып, жастарды теріс ағымдардан қорғауға атсалысуы қажет. Ұлттық қауіпсіздікті сақтау – баршамызға ортақ жауапкершілік.

Қазіргі таңда деструктивті діни ағымдардың басты нысанасына айналып отырған – жастар. Себебі олар өмірлік ұстанымдары әлі толық қалыптаспаған, ақпаратты тез қабылдайтын әрі әлеуметтік желілерге тәуелді буын. Осыған байланысты әрбір азаматтың, әсіресе ата-аналар, ұстаздар және теологтардың қоғамдағы жауапкершілігі арта түсуде.

Қоғамдық тұрақтылық – баршамыздың ортақ жетістігіміз. Татулық, өзара құрмет, дінаралық және ұлтаралық келісім – ел дамуының негізі. Дін саласындағы тұрақтылықты қамтамасыз ету – тек құқық қорғау органдарының немесе дін басқармасының ғана емес, әрбір азаматтың, ұстаздың, ата-ананың, теологтың ортақ міндеті.

Қорытындылай келе, дін саласындағы ұлттық қауіпсіздік пен қоғамдық тұрақтылықты сақтау – мемлекет пен қоғамның үйлесімді әрекеті арқылы ғана жүзеге асады. Бұл бағытта біріге жұмыс істесек, ел болашағы жарқын боларына сенімім мол.

 

Д.Арынбек

 

Түркістан облысының дін істері басқармасының

«Дін мәселелерін зерттеу орталығы» КММ-нің

маманы