Дінаралық келісім бейбіт қоғамның негізі болып табылады. Әртүрлі діндердің өкілдері арасында өзара түсіністік, құрмет және ынтымақтастық орнату арқылы қоғамның тұрақтылығы мен бейбітшілігін қамтамасыз етуге болады. Дінаралық келісім, сондай-ақ, мәдениетаралық диалогты нығайтуға, экстремизм мен радикализмнің алдын алуға көмектеседі.

Дін өркениетті адамзат тарихында көне дәуірден орын алған маңызды рухани құбылыс. Мәдениет пен діни құндылықтар дәстүрлі діни жүйелердің адамзат баласының рухани жан дүниесін жетілдіруге және адамға өмірдің маңызды мәселелерін шешуде тұғыр болуда. Бұл жағдайда дінаралық сұхбаттастыққа басты мән беру әлемдегі тыныштық, бейбіт қатар өмір сүруге жол бастайтын басты ұстаным екендігі алға шығады.

Осындай келісімдерді дамыту үшін әртүрлі діндер мен мәдениеттердің өкілдері арасында ашық пікірталастар, білім беру бағдарламалары және бірлескен жобалар ұйымдастыру маңызды. Бұл қоғамды біріктіруге, адамдарды жақындастыруға және бейбітшілік үшін ортақ мақсаттарды қалыптастыруға мүмкіндік береді.

Дінаралық келісімнің нақты мысалдарына мыналар жатады:

1. «Дінаралық диалог форумы»: Әр түрлі діндердің басшылары мен өкілдері кездесіп, өзара түсіністік, құрмет және ынтымақтастықты дамыту мақсатында пікір алмасатын шаралар.

2. «Бейбітшілік пен келісім үшін бірлескен жобалар»: Мысалы, діндер арасындағы достықты нығайту үшін әлеуметтік, мәдени немесе білім беру жобаларын жүзеге асыру.

3. «Диаалог орталықтары»: Әр қалада немесе өңірде діндер арасындағы диалогты қолдайтын арнайы орталықтар ашу, онда адамдар діндер туралы ақпарат алып, сұрақтарына жауап ала алады.

4. «Төртінші діндер конференциясы»: Жыл сайын өтетін халықаралық конференцияларда діндер арасындағы бейбітшілік, әділдік және ынтымақтастық тақырыбында пікірталастар мен баяндамалар ұйымдастырылады.

5. «Көркем шығармашылық шаралар»: Әр түрлі діндердің мәдениетін көрсету үшін концерттер, көрмелер немесе фестивальдер ұйымдастыру.

6. «Тәлімгерлік бағдарламалар»: Діндер арасындағы жастарды біріктіру мақсатында білім беру және тәжірибе алмасу бағдарламалары.

Бұл мысалдар діндер арасындағы диалогты дамытуға, қоғамды біріктіруге және бейбітшілік орнатуға үлкен үлес қосады.

Қазіргі кезеңде Қазақстанның дамуына тән ерекшеліктердің бірі қоғам өміріндегі діннің рөлінің артуы болып табылады. Оның өзектілігі мен мәртебесі артып, әлеуметтік функциялары кеңейіп, дінге сенушілер мен діни бірлестіктердің саны өсуде. Соңғы онжылдықта республикамыздың көпконфессиялы кеңістігі дәстүрлі діни сенімдердің діни бірлестіктерінен бөлек, бұрын Қазақстанда болмаған дәстүрлі емес діни қозғалыстардың жаңа ұйымдарының енуімен күрделене түсті. Қазіргі таңда Қазақстанда 18 конфессиядан тұратын 3999 діни бірлестік жұмыс жасауда. Осындай өзгерістер аясында барлық ұлттар мен ұлыстардың өкілдері үшін экономикалық, әлеуметтік, мәдени, діни жанданудың бірдей  мүмкіндіктері қамтамасыз етілген және халықтың біртұтастығы, ізгілік, ұлт құқықтары мен адам құқықтарын үйлесімді ұштастыру қағидаттары іс жүзінде көрініс тапқан сан алуан мәдениетті және конфессиялы қоғамда келісім мен төзімділікті қалыптастыру ісіндегі Қазақстанның жетістіктері айқын көрінеді.

Қазақ елі – жүзі жарқын, болашаққа қарай ұмтылған жас тәуелсіз мемлекет. Қазақстан демократиялық, зайырлы құндылықтарды ұстанатын ел және еліміздегі этностар өзінің мәдениетін, салт-дәстүрін сақтау мен дамытуына барлық жағдайлар жасалған. Дінаралық келісім мен сұхбаттастықты қалыптастыруда дінтану пәннің өзіндік орны болмақ.  Қазақ елі тәуелсіздік жылдарында дүниежүзінің өркениетті елдерімен саяси және экономикалық әріптестік орнатты. Елбасымыздың жігерлі де, жемісті қызметі жас тәуелсіз елімізді биік ұмтылыстар мен жақсы нәтижелерге жеткізді. Қазақстанның әлем қауымдастығы елдерімен тең құқықты саясат ұстануы – бұл Тәуелсіздік жемісі.

 

Б.Абдрахман

 

Түркістан облысы дін істері басқармасы

«Дін мәселелерін зерттеу орталығы» КММ-нің

теолог маманы