Әр ұлттың жан дүниесінде жер, ел, тіл және тәуелсіздік сияқты киелі ұғымдар сақталған. Тәуелсіздіктің негізі әрі кепілі – Ата Заң. Бұл құжат тарихи мәні зор, саяси тұрғыдан маңызы ерекше, ел тағдырын айқындайтын басты құндылық.

Қазақстан Республикасының Конституциясы – елдің  ең басты заңы әрі тәуелсіздіктің негізі. Ата Заң мемлекеттің тұтастығын, азаматтардың құқықтары мен бостандықтарын қорғайды. Ол елдің дамуы мен тұрақтылығының тірегі болып табылады.

Тәуелсіз Қазақстанның тұғыры – осы Конституцияда бекітілген демократиялық, құқықтық және зайырлы мемлекет қағидаттары. Ата Заңсыз елдің болашағы жоқ, себебі ол қоғамның бейбіт өмірі мен өркендеуінің кепілі. Осылайша, Ата Заң – тәуелсіздік  пен егемендіктің тірегі, әрбір азаматтың құқықтары мен міндеттерінің негізі.

Еліміздің Ата заңы – халқымыздың тәуелсіздікке деген ұмтылысын заңдық түрде бекітіп, әлемге Қазақстан мемлекетінің бар екенін танытқан ерекше құжат. Конституция Қазақстанның егемен ел ретінде дамуының негізін, басқару құрылымын және билік тармақтарын анықтап, «қазақтың ежелгі жерінде мемлекет құрылғанын» ресми жариялады. Ол адам құқықтары мен қадір-қасиетін қорғауға, тіліміз бен дініміздің дамуына, ар-ождан бостандығына кепілдік береді. Сонымен қатар, Конституция жеке меншігімізді қорғап, адал еңбегіміздің нәтижесін сақтауға мүмкіндік береді. Сондықтан құқықтық мемлекеттің, заңның үстемдігін және Конституцияның берік негіз екенін білуіміз өте маңызды.

Қазақстан Республикасының  Конституциясы – еліміздегі  татулық пен бірліктің кепілі. Көпұлтты Қазақстанда бейбітшілік пен келісімнің сақталуы, әр азаматтың тең құқылы болуы – осы  негізгі заңның арқасы. Конституция бізге таңдау еркіндігін, ой-пікір білдіру және сенім бостандығын сыйлайды. Сондықтан Ата Заң – тек  мемлекетті басқару құралы ғана емес, әрбір азаматтың қадір-қасиетін қорғайтын қалқан іспеттес.

Қазіргі уақытта Конституция қоғаммен бірге дамып келеді. Уақыт талабына сай реформалар жүзеге асырылып, халық мүддесіне бағытталған өзгерістер енгізілуде. Бұл Ата Заңның өміршең, заманауи сын-қатерлерге бейімделетін құжат екенін көрсетеді. Ол болашақ ұрпаққа қызмет ету үшін үнемі жаңғырып отырады.

Ата Заң – тәуелсіз  еліміздің тынысы, еркіндіктің негізі, ұлттың ұстыны. Ол бүгінгі бейбіт күніміздің, ертеңгі кемел келешегіміздің кепілі. Әрбір қазақстандық оны құрметтеп, оның рухын жүрегінде ұстауы тиіс, себебі Ата Заңды сыйлау – Тәуелсіздікті   сақтау деген сөз.

Қазақстан Республикасының Конституциясы – бүгінгі  қазақ елінің мызғымас бірлігінің символы әрі оның заңдық негізін қамтамасыз ететін маңызды құжат. «Бірлік бар жерде тірлік бар» дегендей, татулық пен ынтымақсыз елдің дамуы мүмкін емес.                                                                                                                                                                 Демократиялық құқықтық мемлекет құру жолында Конституцияның маңызы зор әрі оның өміршеңдігі мәңгілік. Белгілі заңгер Сұлтан Сартаев былай деген: «Тәуелсіз елге бірлік қажет. Қиын заманда ашуға берілмей, әр ісімізді парасаттылықпен, ойлы түрде жасауымыз керек. Әлеуметтік, саяси және экономикалық бостандықты нығайту үшін теріс сөздерден аулақ болып, елдің күшін жаңалыққа жұмылдырайық». Осындай ұлы мақсаттарды жүзеге асыруда жас ұрпақты отаншылдыққа тәрбиелеп, Конституцияның әлеуетін одан әрі арттыру – біздің  міндетіміз.

Әр ұлттың жүрегінде жер, ел, тіл және тәуелсіздік сияқты қасиетті ұғымдар болады. Сол тәуелсіздіктің басты негізі әрі қорғанысы – Ата Заң. Бұл құжат тарихи маңызға ие, мемлекеттің дамуы мен басқаруын анықтайтын маңызды құжат болып табылады.

 

 Е.Ештай

 

Түркістан облысының дін істері басқармасының                      

«Дін мәселелерін зерттеу орталығы» КММ-нің      

теолог маманы