Бүгін Түркістан облысы дін істері басқармасының жанынан құрылған «Ынтымақ-Түркістан» клубының аясында Түркістан облысы дін істері басқармасының ұйымдастыруымен «Ата Заң – тәуелсіздік тірегі» атты дөңгелек үстел өткізілді.
Клуб облыстағы 6 діни конфессия өкілдерінен құралған.
Жиынға «Ынтымақ-Түркістан» клубының мүшелері, Түркістан қаласы мешіттерінің бас имамдары, орыс православ шіркеуінің өкілі, сондай-ақ, бұқаралық ақпарат құралдарының өкілдері қатысты.
Клуб отырысын облыстық дін істері басқармасының басшысы Рүстем Сабыржанұлы төрағалық етіп, клуб мүшелері тарапынан күн тәртібіндегі мәселелер талқыланды.
Сондай-ақ, қоғамдық-саяси және діни ахуалдың тұрақтылығы, ынтымақ, бірлік, конфессияаралық келісім, ұлттық қауіпсіздік мәселелеріне басымдық берілді.
Жиында Түркістан облысының наиб имамы Тілеуов Өсімхан Аманбайұлы, «Шымкент епархиясының Түркістан қаласындағы Свято-Никольский приходы» жергілікті православиелік діни бірлестігінің жетекшісі Смольянов Виталий Александрович, «Жетісай қаласының інжілдік мәсіхші-баптистердің қауымы» жергілікті діни бірлестігінің жетекшісі Братан Валерий Иванович, «Дін мәселелерін зерттеу орталығы» КММ-нің директоры Халықов Медет Мұзапбарұлы еркін форматта сөз сөйледі.