Түркістан облыс әкімінің орынбасары Е.Алтаевтың бекіткен бағдарламасы бойынша Төлеби аудандық Жастар ресурстар орталығының «Ғарыш» ғимараты мен Төлеби аудандық саз мектебінің ғимаратында кәмелетке толмағандардың қатысуымен жасалынатын қылмыс пен құқық бұзушылықты және оқыс оқиғалардың алдын алу бойынша ата-аналармен жергілікті жерлерде кездесу өтті.
Кездесуде Түркістан облысы дін істері басқармасы "Дін мәселелерін зерттеу орталығы" КММ-нің "Ақпараттық-түсіндіру жұмыстарын ұйымдастыру" бөлімінің басшысы РАТТ мүшесі, дінтанушы Қ.Салықбаев, Білім бөлімінің басшысы п.ғ.д, прфессор Б.Тойлыбаев, аудандық «AMANAT» партиясы филиалының төрағасы Ш.Оңғаров, Аудандық полиция бөлімінің өкілі баяндамаларын оқып, Жастар ресурстар орталығының бейнероликтері көрсетілді.
Жиынға қатысқан ата-аналар оң пікірін білдіріп, тәрбиелік мағыналы жиын болғанын атап өтті.