Түркістан облысы Қазығұрт ауданының Ы.Алтынсарин атындағы мектеп жанындағы интернатының тәрбиеленушілерімен тәрбиешілері арасында «Діни ағымдардың қоғамға келтірер зияны» тақырыбында Түркістан облысы қоғамдық даму басқармасының «Дін мәселелерін зерттеу орталығы» КММ-нің дінтанушы маманы Аян Алпысбайұлы кездесу өткізді. Кездесу барысында жастар деструктивті діни ағымдардың жетегінде не себепті кетіп жатыр? Оларға қарсы қалай иммунитет қалыптастырамыз? деген сұрақтарға жан-жақты жауап берілді. Мемлекеттіміздің   дін саласындағы саясатының басым бағыттары туралы түсіндірілді. Сондай-ақ Ата-бабаларымыздың ұстанып келген дәстүрлі дініміз туралыда сөз қозғады. Қазақ халқының ақын-жыраулары еңбектерінде кездесетін діни мазмұндағы шығармалары талқыланды. Сөз соңында қызметкерлер тарапынан қойылған сұрақтарға толық жауап беріліп, алдағы уақыттарына сәттілік тілеп кездесуді аяқтады.