Түркістан облысы Түлкібас ауданы Тастұмсық ауылдық округі тұрғындары арасында «Дін – тұрақтылық кепілі» тақырыбында Түркістан облысы қоғамдық даму басқармасының «Дін мәселелерін зерттеу орталығы» КММ-нің дінтанушы маманы Аян Алпысбайұлы кездесу өткізді.
Кездесу барысында қазіргі уақытта ерекше алаңдатып отырған радикалды діни ағымдардың зияны, жергілікті тұрғындар арасындағы діни сауатсыздық, дәстүрлі діни танымның төмендігі, жат насихаттарды айыра алмау себептерінен деструктивті ағымдарға тартылуы жайлы және мемлекеттіміздің дін саласындағы саясатының басым бағыттары мен зайырлылық ұстанымдары туралы түсіндірілді. Сондай-ақ Ата-бабаларымыздың ұстанып келген дәстүрлі дінімізді әрбір мұсылман азаматы білуі міндет екенін ескертті. Сөз соңында қызметкерлер тарапынан қойылған сұрақтарға толық жауап беріліп, еліміз аман, жұртымыздың тыныштығын тілеп кездесуді аяқтады.