Арыс қаласында теріс пиғылды діни ағымдардың алдын алу мақсатында Қабылсай, Монтайтас, А.Тілеубердин, Б.Онтаев атындағы жалпы орта білім беретін мектептерінде, №17 колледж, Арыс гуманитарлы-техникалық колледжінің студенттеріне және №3 Балалармен жасөспірімдер спорт мектебі, «Асыл жүрек» КММ қызметкерлеріне «Деструктивті діни ағымдардың алдын алу» тақырыбында ақпараттық-түсіндіру жұмыстары жүргізілді.
Кездесуге Түркістан облысы дін істері басқармасының «Дін мәселелерін зерттеу орталығы» КММ-нің бөлім маманы Б.Өтеген қатысты.
Дінтанушы маман елімізде интернетте, соның ішінде жастар көп пайдаланатын түрлі әлеуметтік желілер мен ютуб видеоресурсында деструктивті діни ағымдардың уағыз насихаттары кең таралған. Облыс көлемінде жыл басынан ҚР ӘҚБтК талаптарына сәйкес құқық бұзушылық фактілері жөнінде ақпарат берілді. Әлеуметтік желілер мен интернет ресурстарындағы ақпараттарды пайдалану, тарату барысында өте абай болу қажеттігі туралы баяндады.
Қатысушыларға діни мазмұндағы ақпаратты іздеу барысында тек қана ресми сайттар мен арнайы рұқсат етілген кітаптарды оқуға ғана болатынын ескертті.
Кездесу соңында сұрақтар қойылып, дінтанушы маман тарапынан толыққанды жауап берілді.