Аталған іс-шараға Түркістан облысы дін істері басқармасының «Дін мәселелерін зерттеу орталығы» КММ-нің бөлім басшысы Жорабек Жалғас, Түркістан ҚПБ ҚҚБ ЮПТ УПИ Е. Жарқынбек, сондай-ақ ҚР халықаралық дәрежедегі спорт шеберлері Өмірбек Шұғыла Нұрпейісқызы, Хамза Дидар Маратұлы, Мырзабаев Нұрлан Сайлаубаұлы қатысты.

Кездесудің негізгі мақсаты – дін саласындағы тұрақтылықты сақтау, ұлттық құндылықтарды насихаттау, сондай-ақ шетелде діни білім алудың ықтимал қауіптері жөнінде түсіндіру жұмыстарын жүргізу болды. Сонымен қатар, «Заң мен Тәртіп» қағидатын ілгерілету аясында дін саласына қатысты ақпараттық-түсіндіру жұмыстары жүргізіліп, қоғамдық орындарда бет-жүзді толық жабатын киімдерге тыйым салуға байланысты заңнамаға енгізілген өзгерістер туралы кеңінен баяндалды. Кездесу соңында қатысушылар тарапынан қойылған сұрақтарға теолог маман тарапынан толық әрі мазмұнды жауаптар берілді.