Жыл сайын 18-қазан күні елімізде Рухани келісім күні атап өтіледі. Бұл атаулы күн 1992 жылдың 18-қазанында Алматыда Елбасы, тұңғыш президентіміз Нұрсұлтан Әбішұлы Назарбаевтың төрағалығымен Бірінші Бүкіләлімдік рухани келісім конгресі өткен күннен басталды. Жылдағы дәстүрге сай бұл жылы да Кентау қалалық ішкі саясат бөлімінің ұйымдастыруымен Рухани келісім күні аталып өтілді. Аталмыш шараға облыстық қоғамдық даму басқармасына қарасты «Дін мәселелерін зерттеу орталығы» мекемесінің директоры Медет Халықов, ұлттық қауіпсіздік комитетінің Кентау қалалық бөлімінің, прокуратура, полиция өкілдері, тиісті жергілікті атқарушы орган, мемлекеттік коммуналдық мекеме басшылары, ауыл әкімдері, мектеп басшылары, қалалық Қоғамдық және ардагерлер кеңесі, қалалық ақсақалдар алқасы, үкіметтік емес және қоғамдық ұйымдар мен БАҚ өкілдері қатысты. Жиын соңында 18 қазан-рухани келісім күніне орай қаланың тұрақтылығы, бірлігі мен ынтымағына үлестерін қосып жүрген дін өкілдерін қызметкерлері қала әкімінің алғыс хаттарымен марапатталды.